《雷锋喺广州》（粤语诗）

文\/树科

赶紧周六，趁早开会

过咗街头巷尾

见啲靓仔靓女

佢哋一班红领巾

企喺路口，摇旗呐喊：

婆婆公公，大家小心……

（睇到佢哋个样

我仲喺起早未瞓醒？

对眼有啲湿，个心几咁热……）

午间，我撇低会议饭

耐咗冇食省城嘅茶点

心思思，噈叹叹一蛊两件

点知唔赶时间，时间赶我

微信@我返去布置会场

啱啱行出门啫，收银追嚟还我零钱……

（我有啲不以为然

耐咗冇食啲心水嘢

唔记得几蚊找赎，湿湿碎啦……）

本嚟熟悉嘅省城

而家嘅变化真喺大咗

我企喺地铁嘅线路牌前

眼花花懵懵哋唔明点好转站

听到身后尾：阿叔

你嘅终点站系边度？

（我睇咁个靓女

佢飘飘洒洒走向闸机口

哗，好靓女！人靓心靓……）

《树科诗笺》2025.3.3.穗城珠冮畔.南站